له‌ هه‌واڵێکی ناخۆشدا بۆ خۆزێ مۆرینهۆ و هانده‌رانی یانه‌ی ئه‌نته‌رمیلان ڤێسلی سنایده‌ر به‌شداری له‌ یاری شه‌وی چوارشه‌مه‌ی نێوان یانه‌که‌یی و یانه‌ی به‌رشلۆنه‌ ناکات له‌ یاری گه‌ڕانه‌وه‌ی قۆناغی پێش کۆتایی خولی یانه‌ پاڵه‌وانه‌کانی ئه‌وروپا .. سنایده‌ر له‌ یاری دوێنێ شه‌وی یانه‌که‌ی به‌رامبه‌ر ئه‌ته‌له‌نتا به‌هۆی پێکان له‌ نیوه‌ی دووه‌م یاریگای جێهێشت و یانه‌که‌ له‌ به‌یان نامه‌یه‌کدا له‌سه‌ر ماڵپه‌ری فه‌رمی خۆی ته‌نیا ئاماژه‌ی به‌وه‌ کردووه‌ له‌ چه‌ند ڕۆژی ڕابردوو یاریزانه‌ هۆله‌ندیه‌که‌ ناتوانێت به‌شداری له‌ ڕاهێنانه‌کان بکات و تێیدا هاتووه‌ : سنایده‌ر ئێستا چاره‌سه‌ری پزیشکی وه‌رده‌گرێت به‌هۆی ئه‌و پێکانه‌ی تووشی ماسولکه‌کانی ڕانی چه‌پی هاتووه‌ و تا ٤٨ کاتژمێری داهاتوو به‌و شێوه‌یه‌ ده‌مێنیته‌وه‌ .